موقف مـــــــحرج جدا جدا>> فشيييله

[ بـنـت الـريـَـاض ] الخميس فبراير 19, 2009 6:59 pm

,,,,, اشــد موقف محرج شفته بحياتي ,,,,,,

هذي القصه صارت لوحده صدق في مطار الملك خالد في الرياض
وتقول:
في الصيف اللي فات كنت مسافره لجدتي في الشرقية
كنت جالسه في الانتظار استنى ينادون على الرحله
طبعا وكالعاده رحلات السعوديه لازم تتاخر
اعلنو تاخييير الطياره ؟؟؟
قلت يلله خل اروح اشتري شي اكله واقرا المجله لين يجي وقت
الاقلاع
رحت واشتريت عصير وبسكوت
ورجعت لمكاني
واذا فيه ولد جالس جنبي وبيني وبينه الطاوله
المهم بديت اقرا المجله والبسكوت على الطاوله اكل منه
مادريت الا الولد مد يده وبدا ياكل من بسكوتي
خييييييييييير وين يابو الشباب (اقولها في نفسي طبعا)؟؟؟
يمووووووووون هههههههههه
قمت أناظر فيـه بنص عين
والله وبدا ياكل وحده ورا وحده
وبديت اعاند
و اسابقه
آكل اكثر منه
وكل واحد ياكل اسرع يبي يخلص على الثاني
من جد شين وقوي عين
طرار ويبي ثوب كبك بعد
واشوف ولا هذي اخر حبه في العلبه
واسرع ابغى اخذها
ونمسكها سوا
ويجي ياخذها؟؟
يوم اخذها قسمها نصين وعطاني نص
اخذت النص واكلته
امون انا بعد
بعدين استوعبت
خيييير وش سويت زودتها ورجال غريب عيب علي
بس هو يقهر
يمووون خلص بسكوتي
المهم واخيرا نادو على الرحله وركبت الطياره
جلست في الكرسي حقي ووزعت المضيفه بروشورات فتحت شنطتي وحطيتها فيها
يوم فتحت شنطتي واتنننننننننح !!!
تدرووون وش لقييت؟؟؟؟؟؟؟؟؟؟؟
لقيت بسكوتي /
وطلع البسكوت اللي انا اكل منه حق الرجال
انواااااااااااااااع الفشيله؟؟
وش بيقول عني الولد مدري الرجال مدري من
بيقول زي ما كنت اقول عنه وش تبي ذي؟؟؟

واصكها نوووومه طول الرحله اخاف اقوم ويمر وانتححححححر من الفشيله

^^
خخخخخخخخخخخخخخخخخخخخخخخخخ
تلقونه الحين يقول وش قليلة الادب هذي الي ماتربت
صـراحه قمة الفشيله جعلي ما امر بموقف زي كذا والله كان انتحر

nosa الجمعة فبراير 20, 2009 3:06 am

من جد احراااااااااااااااااج Embarassed

والله لو انا ماكــان اكلت من البسكوت بخليــه له ...حتــى لو حقي بالعافيه عليه ولا اقعد اتسابق انا وياه على البسكوت...
احس هالموقف بصير يا لبشرى او هديل عادي يجي عليهم... صح Wink